அவல் வடை

தேவையானப்பொருட்கள்:

இன்ஸ்டன்ட் அவல் மிக்ஸ் - 160 கிராம் (2 கப்)
கடலை மாவு - 2 டேபிள்ஸ்பூன்
அரிசி மாவு - 1 டீஸ்பூன்
வெங்காயம் - 1
பச்சை மிளகாய் - 2
இஞ்சி - ஒரு சிறு துண்டு
மிளகாய் தூள் - 1/4  டீஸ்பூன்
பெருங்காயத்தூள் - 2 சிட்டிகை
கறிவேப்பிலை - சிறிது
உப்பு - 1/4 டீஸ்பூன்
எண்ணை - பொரிப்பதற்கு தேவையான அளவு

செய்முறை:


அவல் மிக்ஸை ஒரு கிண்ணத்தில் போட்டு, அதில் 1 கப் கொதிக்கும் நீரை ஊற்றி கிளறி விடவும்.  மூடி போட்டு 10 நிமிடங்கள் வைத்திருக்கவும்.

வெங்காயம், பச்சை மிளகாய், இஞ்சி, கறிவேப்பிலை ஆகியவற்றை பொடியாக நறுக்கிக் கொள்ளவும்.

மூடி வைத்துள்ள அவல் மிக்ஸை திறந்து, அத்துடன் நறுக்கிய வெங்காய்ம், பச்சை மிளகாய், இஞ்சி, கறிவேப்பிலை, கடலை மாவு, அரிசி மாவு, மிளகாய் தூள், பெருங்காயத்தூள், உப்பு ஆகியவற்றைப் போட்டு நன்றாகப் பிசைந்துக் கொள்ளவும்.

இதிலிருந்து எலுமிச்சம் பழ அளவிற்கு மாவை எடுத்து உருட்டி வடையாகத் தட்டிக் கொள்ளவும். எல்லா மாவையும் வடைகளாகத் தட்டி வைத்துக் கொள்ளவும்.

ஒரு வாணலியில் எண்ணை விட்டு காய்ந்ததும், அதில் 3 அல்லது 4 வடைகளைப் போட்டு பொன்னிறமாகப் பொரித்தெடுக்கவும்.  எல்லா வடைகளயும் இவ்வாறே சுட்டெடுக்கவும்.

சூடாக சட்னியுடன் பரிமாறவும்.

கவனிக்க:  இன்ஸ்டன்ட் அவல் மிக்ஸில் செய்யும் இது ஒரு "அவசர அவல் வடை".  சீக்கிரமாக செய்து விடலாம்.  இன்ஸ்டன்ட் அவல் மிக்ஸ் இல்லையெனில், அவலை ஊறவைத்தும் செய்யலாம்.