எள்ளு பொடி

தேவையானப்பொருட்கள்:

வெள்ளை எள் - 1/2 கப்
கறுப்பு எள் - 1/2 கப்
கடலைப்பருப்பு - 1/4 கப்
பெருங்காயம் - ஒரு சிறு துண்டு
காய்ந்த மிளகாய் - 10 முதல் 12 வரை
எண்ணை - 1 டீஸ்பூன்
உப்பு - 2 டீஸ்பூன் அல்லது தேவைக்கேற்றவாறு

செய்முறை:

வெறும் வாணலியில் வெள்ளை மற்றும் கறுப்பு எள்ளைப் போட்டு சிவக்க வறுத்தெடுக்கவும்.

அதே வாணலியில் ஒரு டீஸ்பூன் எண்ணை விட்டு அதில் கடலைப்பருப்பு, பெருங்காயம், மிளகாய் ஆகியவற்றையும் சிவக்க வறுத்தெடுக்கவும்.

வறுத்தெடுத்த எல்லாவற்றையும் மிக்ஸியில் போட்டு, உப்பு சேர்த்து சற்று கொரகொரப்பாக அரைத்தெடுக்கவும்.

சுவையான எள்ளு பொடி தயார்.

இதை சூடான சாதத்தில் சேர்த்து பிசைந்து "எள்ளு சாதம்" செய்யலாம். இட்லி/தோசைக்கும் தொட்டுக் கொள்ளலாம்.