• Cooking and Recipes
  • Kolangal / Rangoli
  • அடுப்பங்கரை
மருந்தென வேண்டாவாம் யாக்கைக்கு அருந்தியது அற்றது போற்றி உணின்.
 

வெண்டைக்காய் தயிர் பச்சடி


தேவையானப்பொருட்கள்:

வெண்டைக்காய் - 8 முதல் 10 வரை
தயிர் - 2 கப் அல்லது தேவைக்கேற்றவாறு
எண்ணை - 2 டீஸ்பூன்
உப்பு - 1/2 டீஸ்பூன் அல்லது தேவைக்கேற்றவாறு

அரைக்க:

பச்சை மிளகாய் - 2
இஞ்சி - ஒரு சிறு துண்டு
தேங்காய்த்துருவல் - 1 டேபிள்ஸ்பூன்
சீரகம் - 1/2 டீஸ்பூன்

தாளிக்க:

எண்ணை - 1 டீஸ்பூன்
கடுகு - 1/2 டீஸ்பூன்
காய்ந்த மிளகாய் - 1
பெருங்காயத்தூள் - ஒரு சிட்டிகை
கறிவேப்பிலை - சிறிது

செய்முறை:

வெண்டைக்காயைக் கழுவி, துடைத்து விட்டு, சிறு வில்லைகளாக நறுக்கிக் கொள்ளவும்.

தோசைக்கல் அல்லது பரவலான தாவாவை அடுப்பிலேற்றி, 1 அல்லது 2 டீஸ்பூன் எண்ணை விட்டு அதில் வெண்டைக்காய் துண்டுகளை பரப்பி வைத்து வேக விடவும்.  அடிபக்கம் சிவக்க வதங்கியதும், ஒவ்வொரு துண்டையும் திருப்பிப் போட்டு மறு பக்கமும் சிவக்கும் வரை வதக்கி எடுக்கவும்.  (இதை மைக்ரோவேவ் அவனிலும் வறுத்து எடுக்கலாம்.  சிலர் எண்ணையில் வெண்டைக்காயை பொரித்தும் எடுப்பார்கள்).

அரைக்க கொடுத்துள்ளப் பொருட்களை விழுதாக அரைத்தெடுக்கவும். தயிரை நன்றாகக் கடைந்து அத்துடன் அரைத்து வைத்துள்ள விழுது மற்றும் உப்பு சேர்த்து கலக்கவும். வதக்கி வைத்துள்ள வெண்டைக்காயைச் சேர்த்து, தாளிக்க கொடுத்துள்ளவற்றைத் தாளித்துக் கொட்டி, மீண்டும் நன்றாகக் கலந்து பரிமாறவும்.

சாதம், சப்பாத்தி ஆகியவற்றுடன் தொட்டுக் கொள்ள நன்றாக இருக்கும்.

கவனிக்க:  தயிரை தாளித்து தயார் செய்து வைத்து விட்டு, பரிமாறும் முன் வெண்டைக்காயைச் சேர்த்தால், கொழகொழப்பில்லாமல் நன்றாக இருக்கும்.

4 கருத்துகள்:

பூங்குழலி சொன்னது…

வித்தியாசமான குறிப்பு

Easy (EZ) Editorial Calendar சொன்னது…

உடம்புக்கு நல்ல உணவு



நன்றி,
ஜோசப்
http://www.ezedcal.com/ta (வலைப்பூ உரிமையாளர்களுக்கான தலையங்க அட்டவணை உருவாக்க உதவும் வலைதாளம் பயன்படுத்தி பயன்பெறுங்கள்)

kerala flowerplaza சொன்னது…

Brilliant stuff!
keralaflowerplaza.com

திண்டுக்கல் தனபாலன் சொன்னது…

அருமை... தொடர வாழ்த்துக்கள்... நன்றி...

LinkWithin

Related Posts Plugin for WordPress, Blogger...