• Cooking and Recipes
  • Kolangal / Rangoli
  • அடுப்பங்கரை
மருந்தென வேண்டாவாம் யாக்கைக்கு அருந்தியது அற்றது போற்றி உணின்.
 

பீர்க்கங்காய் துவையல்


தேவையானப்பொருட்கள்:

பீர்க்கங்காய் - 1
காய்ந்த மிளகாய் - 2 அல்லது 3
உளுத்தம் பருப்பு - 2 டேபிள்ஸ்பூன்
பெருங்காயம் - ஒரு பட்டாணி அளவு
புளி - ஒரு பெரிய நெல்லிக்காயளவு
உப்பு - 1 டீஸ்பூன் அல்லது தேவைக்கேற்றவாறு
எண்ணை - 2 டீஸ்பூன்

தாளிக்க:

எண்ணை - 1 டீஸ்பூன்
கடுகு - 1/2 டீஸ்பூன்
கறிவேப்பிலை - சிறிது

செய்முறை:

பீர்க்கங்காயை கழுவி விட்டு, அதன் கூரான முனையை மட்டும் நீக்கி விட்டு, தோலுடன் சிறு துண்டுகளாக நறுக்கிக் கொள்ளவும்.

ஒரு வாணலியில் ஒரு டீஸ்பூன் எண்ணை விட்டு அதில் பெருங்காயம், உளுத்தம் பருப்பு, மிளகாய், புளி ஆகியவற்றைப் போட்டு சிவக்க வறுத்தெடுக்கவும். அதே வாணலியில் இன்னும் ஒரு டீஸ்பூன் எண்ணை விட்டு, அதில் பீர்க்கங்காய் துண்டுகளைப் போட்டு, மிதமான தீயில் 5 நிமிடங்கள் வதக்கி எடுத்து, 10 நிமிடங்கள் ஆற விடவும்.

மிக்ஸியில் வறுத்த மிளகாய், உளுத்தம் பருப்பு, மிளகாய், பெருங்காயம், புளி ஆகியவற்றைப் போட்டு, அத்துடன் உப்பையும் சேர்த்து பொடித்துக் கொள்ளவும். பின்னர் அதில் வதக்கி வைத்துள்ள பீர்க்கங்காயைப் போட்டு, மிக்ஸியை நிறுத்தி நிறுத்தி ஓரிரு வினாடிகள் ஓட விட்டு, வழித்தெடுக்கவும்.

பின்னர் அதில் கடுகு, கறிவேப்பிலைத் தாளித்துக் கொட்டவும்.

இட்லி/தோசை போன்றவற்றுடன் தொட்டுக் கொண்டு சாப்பிடலாம். சூடான சாதத்தில் போட்டு, சிறிது நெய்யைச் சேர்த்து பிசைந்து சாப்பிட இன்னும் சுவையாக இருக்கும்.

3 கருத்துகள்:

முத்துலெட்சுமி/muthuletchumi சொன்னது…

இன்று இதான் செய்யப்போறேன்.. :)

கமலா சொன்னது…

வருகைக்கு மிக்க நன்றி முத்துலெட்சுமி அவர்களே. செய்துப் பார்த்து விட்டு தங்கள் கருத்தைத் தெரிவிக்கவும்.

முத்துலெட்சுமி/muthuletchumi சொன்னது…

செம கட்டுங்க :)

LinkWithin

Related Posts Plugin for WordPress, Blogger...