சோளம் கீரைத்துவட்டல்

தேவையானப் பொருட்கள்:

சோளம் - 1 கப் (வேக வைத்தது)
கீரைக்கட்டு - 1 நடுத்தர அளவு (எந்தக் கீரையையும் உபயோகப்படுத்தலாம்)
பெரிய வெங்காயம் - 1
தக்காளி ‍- 1
பூண்டு -‍ 5 அல்லது 6 பல்
மிளகாய்த்தூள் - 1 டீஸ்பூன்
மஞ்சள் தூள் - 1/4 டீஸ்பூன்
உப்பு - 1 டீஸ்பூன்
எண்ணை - 2 டேபிள்ஸ்பூன்
கடுகு - 1/2 டீஸ்பூன்
காய்ந்தமிளகாய் - 2

செய்முறை:

கீரையை நன்கு ஆய்ந்து அலசிப் பொடியாக நறுக்கிக் கொள்ளவும்.

தக்காளி, வெங்காயம், பூண்டு ஆகியவற்றைப் பொடியாக நறுக்கிக் கொள்ளவும்.

ஒரு வாணலியில் எண்ணை விட்டு கடுகு தாளித்து, மிளகாயைக் கிள்ளிப் போட்டு சிவக்க வறுக்கவும். பின் பூண்டு சேர்த்து சிவக்கும் வரை வதக்கவும். பூண்டு வதங்கியவுடன், வெங்காயத்தைச் சேர்த்து ஓரிரு நிமிட‌ங்கள் வதக்கி, பின்ன‌ர் தக்காளியைச் சேர்க்கவும். மிளகாய்த்தூள், மஞ்சள்த்தூள், உப்புப் போட்டு சிறிது வதக்கவும். வேகவைத்த சோளம், கீரை ஆகியவற்றைப் போட்டு ஒரு கை நீர்த்தெளித்து மூடி வேகவிடவும்.

நீர் சுண்டி கீரை வெந்ததும், இறக்கி வைக்கவும்.